Një kamera sigurie ka fiksuar momentin kur një person i maskuar që lëvizte me motor vuri minën e telekomanduar në makinën e Beqir Devollit.
Ky i fundit e kishte lënë automjetin te lokali i një të njohuri të tij dhe ishte me dyer të hapura. Sipas burimeve, personi i maskuar e montoi, sipas pamjeve, lëndën plasëse në sediljen e shoferit dhe më pas largohet qetësisht.
Një ditë më vonë, automjeti shpërtheu pasi u aktivizua në distancë lënda plasëse afër Drejtorisë së Policisë së Gjirokastrës dhe dyshohet që viktima është ndjekur të paktën 3 km. Si pasojë e shpërthimit, humbi jetën Beqir Devolli, i njohur si “Çilo Hunderri”, ndërsa u plagos miku i tij, Erigels Mela. Hetuesit janë duke këqyrur pamjet e kamerave të sigurisë me shpresën për të rënë në gjurmët e autorëve të dyshuar.
Hetimet janë përqendruar kryesisht në pistën e hakmarrjes.
