SPAK ka sekuestruar celularin e Elvis Roshit, ish-kryebashkiakut të Kavajës, i larguar nga funksionet publike për shkak të ligjit të dekriminalizimit. Në zgjedhjet e pjesshme parlamentare të 11 majit, Roshi mbështeti Partinë Demokratike dhe Aleancën për Shqipërinë Madhështore.
Sekuestrimi është bërë në kuadër të një hetimi për dyshime mbi shitblerje votash. Burime pranë Prokurorisë së Posaçme bënë me dije se janë sekuestruar edhe celularët e disa personave të tjerë të lidhur me Roshin. Gjithashtu, janë ushtruar kontrolle në tre ambiente të ndryshme.
