Kolegji Zgjedhor vendosi të zhvillojë në mungesë të përfaqësuesit të Partisë Demokratike, ankimimin përmes të cilit kërkoi shfuqizimin e vendimit të Komisionit të Ankimimeve dhe Sanksioneve, që lejoi numërimin e votave të Greqisë.
Kryekomisioneri i zgjedhjeve Ilirjan Celibashi vendosi që votat e Greqisë të mos numërohen për shkak të problematikave, por KAS e rrëzoi verdiktin e tij.
PD-ja dhe koalicioni Aleanca për Shqipërinë Madhështore vuri në lëvizje Kolegjin Zgjedhor, duke kërkuar shfuqizimin e vendimit të KAS, duke tentuar në këtë mënyrë bllokimin e mbi 50 mijë zarfave të mbërritura nga shteti fqinj. Sot, përfaqësuesi i PD-së përmes një emaili se për shkak të situatës së krijuar nga bllokimi i rrugëve për shkak të Samitit të Komitetit Politik Europian nuk mund të paraqiteshin.
E pranishme në seancë ishte përfaqësuesja e KQZ-së, ndërsa kishte interesim të lartë nga media. Nga pala e interesuar PS-ja nuk ishte i pranishëm asnjë përfaqësues.
Kolegji pasi u tërhoq në dhomën e këshillimit vendosi ta zhvillojë seancën pa praninë e kërkuesit.
