Nesër, më 16 maj, Kolegji Zgjedhor do të shqyrtojë kërkesë-padinë e Partisë Demokratike – Aleanca për Shqipërinë Madhështore, që kërkon shfuqizimin e Komisionit të Ankimimeve dhe Sanksioneve.
KAS shfuqizoi pak ditë më parë një vendim të kryekomisionerit të zgjedhjeve Ilirjan Celibashi që vendosi të mos numëroheshin votat e Greqisë.
KAS urdhëroi numërimin e zarfave të ardhura nga Greqia, por PD-ja vendosi ta conte në Kolegj Zgjedhor, duke pretenduar se nuk duhen numëruar për shkak të shkeljeve të kryera dhe problematikave të hasura. Partia Demokratike pretendon se votat e emigrantëve nga Greqia janë të manipuluara.
NJOFTIM PËR MEDIA
Në Gjykatën Administrative të Apelit Tiranë, për llogari të Kolegjit Zgjedhor Gjyqësor,
është paraqitur për shqyrtim, Kërkesëpadia Nr.9 Regj. Themeltar Dt.14.05.2025 Regjistrimi, me:
PADITËSE: Partia Demokratike – Aleanca për Shqipërinë Madhështore.
I PADITUR: Komisioni Qendror i Zgjedhjeve.
PERSON I INTERESUAR: Partia Socialiste e Shqipërisë.
OBJEKTI: 1. Shfuqizimin e vendimit nr. 50, datë 13.05.2025 të Komisionit të Ankimimeve dhe Sanksioneve pranë Komisionit Qendror të Zgjedhjeve.
2. Pezullimin e vendimit nr. 50, datë 13.05.2025 të Komisionit të Ankimimeve dhe Sanksioneve pranë Komisionit Qendror të Zgjedhjeve.
BAZA LIGJORE: Nenet 19, 20, 145 dhe 152 të Kodit Zgjedhor;
Vendimi nr. 13, datë 12.11.2024 të Komisionit Rregullator;
Vendimi nr. 22, datë 20.03.2025 të Komisionit Rrregullator.
Trupi gjykues i Kolegjit Zgjedhor Gjyqësor që do të shqyrtojë kërkesëpadinë, përbëhet nga
gjyqtarët:
1. Enkel Peza (Relator);
2. Rexhep Bekteshi (Anëtar);
3. Entela Shedula (Anëtare);
4. Ornela Naqellari (Anëtare);
5. Lutfije Celami (Anëtare).
Në bazë të Urdhrit Dt.14.05.2025 të Kolegjit Zgjedhor Gjyqësor, seanca gjyqësore është
planifikuar të zhvillohet më datë 16.05.2025, ora 13:00, në ambientet e Gjykatës Administrative
të Apelit, në adresën: Rr.“Ismail Qemali”, Tiranë.
