Gazetarja Klodiana Lala, e ftuar në emisionin "Të Paekspozuarit" në MCN TV, ka dhënë detaje nga përplasja në Yrshek mes vëzhguesit të Ornaldo Rakipit dhe Sekretarit të KZAZ-së.
"Ka patur kontestime për një votë nga vëzhguesit e Ornaldo Rakipit. Janë votuar dy kandidatë në një fletë. Kur vota u shpall e pavlefshme, janë futur një sërë përsonash, por njëri prej tyre ka goditur sekretarin e KZAZ. U desh ndërhyrja e Celibashit që të vinte në Yrshek. Personi është ndaluar, është person me precedent penal.
Janë shoqëruar edhe dy persona të tjerë për t'u marrë në pyetje. Ne filmuam edhe një automjet që drejtohet nga një grua, por brenda ka patur para dhe u sekuestruan nga policia", tha ndër të tjera Lala.
