Në qarkun e Shkodrës, procesi i votimit ende nuk ka nisur në disa zona të thella malore, përfshirë Dukagjinin, Kelmendin, Pukën dhe Fushë-Arrëzin. Sipas burimeve nga terreni, komisionerët nuk kanë mbërritur ende në disa qendra votimi, duke shkaktuar vonesa në hapjen zyrtare të procesit.
Largësia e zonave dhe terreni i vështirë malor janë faktorët kryesorë që po ndikojnë në vonesën e organizimit. Situata të ngjashme janë shënuar edhe në zgjedhjet e mëparshme, ku në këto zona votimi ka nisur më vonë se orari zyrtar.
Autoritetet zgjedhore janë në dijeni të situatës dhe po ndjekin nga afër zhvillimet për të garantuar një proces të rregullt dhe të sigurt edhe në këto zona të thella.
