Pesë persona kanë humbur jetën si pasojë e një sulmi me armë zjarri në qytetin Stade, në landin e Saksonisë së Poshtme, Gjermani. Autoritetet policore kanë arrestuar të paktën një të dyshuar, ndërsa motivet e ngjarjes mbeten ende të paqarta.
Ngjarja ndodhi rreth mesditës së së hënës në zonën e Dankersstraße, ku forca të shumta policie dhe ekipe emergjence rrethuan menjëherë vendin e incidentit. Policia u bëri thirrje qytetarëve të shmangin zonën dhe të ndjekin vetëm informacionet zyrtare.
Sipas autoriteteve, pesë persona janë vrarë, ndërsa një ose më shumë të dyshuar janë ndaluar në kuadër të hetimeve në zhvillim. Deri më tani nuk janë bërë publike detaje mbi identitetin e viktimave apo të autorit të dyshuar.
Hetimet mbi rrethanat dhe motivin e sulmit vijojnë, ndërsa autoritetet gjermane kanë nisur një operacion të gjerë për të sqaruar plotësisht ngjarjen.
