Me fazën me eliminim direkt të Kupës së Botës 2026 tashmë në zhvillim, për disa nga emrat më të mëdhenj të futbollit ky mund të jetë turneu i fundit në skenën më të madhe ndërkombëtare.
Në mesin e futbollistëve që pritet t’i japin lamtumirën Botërorit janë disa legjenda që kanë lënë gjurmë në historinë e këtij kompeticioni.
Lionel Messi (Argjentinë) i cili kryeson listën. Kampioni i botës i vitit 2022 po luan Botërorin e tij të gjashtë dhe, në moshën 39-vjeçare, vazhdon të thyejë rekorde, duke u konsideruar nga shumëkush si një nga futbollistët më të mëdhenj të të gjitha kohërave.
Edhe Cristiano Ronaldo (Portugali) mund të jetë në paraqitjen e tij të fundit në Kupën e Botës. Në moshën 41-vjeçare, ai synon të fitojë trofeun e vetëm madhor që i mungon në karrierën e tij të jashtëzakonshme.
Në listë bën pjesë edhe Luka Modric, lideri i Kroacisë dhe nënkampioni i botës në vitin 2018, si dhe portieri legjendar Manuel Neuer, kampion bote me Gjermaninë në vitin 2014.
Mes emrave të tjerë që mund të mos rikthehen më në një Botëror janë Neymar (Brazil), Kevin De Bruyne (Belgjikë), Virgil van Dijk (Holandë), Mohamed Salah (Egjipt), Son Heung-min (Koreja e Jugut) dhe Sadio Mane (Senegal).
Për disa prej tyre mosha, ndërsa për të tjerë problemet me dëmtimet apo cikli natyral i karrierës, e bëjnë Kupën e Botës 2026 një mundësi të fundit për të lënë gjurmë në turneun më prestigjioz të futbollit.
