Pas disa orësh përplasjesh me policinë në Rrugën e Durrësit, protestuesit kanë nisur marshimin drejt zonës së Kuvendit, duke zhvendosur kështu protestën nga zona pranë Ministrisë së Arsimit.
Thirrja për të ndryshuar drejtimin e tubimit është bërë mes protestuesve, pas tensioneve të vazhdueshme, përdorimit të gazit lotsjellës dhe ujit me presion nga policia. Një numër i madh pjesëmarrësish janë nisur në grup drejt Parlamentit, ndërsa gjatë marshimit kanë vijuar thirrjet kundër qeverisë.
Më herët, protestuesit u përpoqën të çanin kordonët e policisë, ndërsa në zonën e Ministrisë së Arsimit u regjistruan incidente dhe zjarre.
