Sistemi i Celibashit për sa i takon zarfeve të mbërritura, pra votave të mbërritura nga diaspora rezullton totalisht me gabime.
Justifikimet për shifra të pahedhura në databazë apo të pareflektuara në sistem janë të papranueshme për një proces që ka kushtuar mbi 13 milionë euro.
Kjo në rastin më të mirë është papërgjegjshmëri, paaftësi ose edhe më keq.
Fakti që opozita e mbetur pa ankimime, po tund tani vetëm shifrat e sistemit të Celibashit, ngarkon me përgjegjësi këtë të fundit.
Celibashi nuk mundet të "sqarojë" se paska pjestare të një familje që paska futur gjithë votat në nje zarf, ndaj nga një zarf paskan dalë 7 vota.
Të paktën pasi ta bëjë këtë sqarim, të sqarojë pastaj sqarimet që bënte kur jepte garanci për fshehtësinë e votës në diasporë.
Ose po flet mbroçkulla sot, ose ka folur të tilla dje, por nuk mundet që të ketë qenë i sigurtë dhe i saktë edhe dje edhe sot.
Celibashi duhet të japë sqarimet që nuk ka dhënë ende për 12.000 dërgesat që DHL i kërkonte të referoheshin pasi mungonin në sistem dhe Celibashi refuzonte ta bënte. I referoi më në fund ato 12.000 dërgesa? Apo i kanë humbur të dhënat? Nëse i ka humbur, pse s'i kërkon ndihmë DHL-së pasi i kërkoi llogari?
Pyetja që lind është po për mandatet i ka të sakta shifrat Celibashi?
Kush i verifikon shifrat e Wall-it të Celibashit?
Sistemi funksionon mbi bazën e formulës së instaluar paraprakisht.
Çdo shifër e hedhur për votat e numëruara, ndikon në llogaritjen sipas formulës dhe afekton dikur numrin dhe ndarjen e mandateve. Ndryshimi reflektohet në Wall si llogari e kryer.
Por në faqen e KQZ ka prej 3 ditësh që nuk i gjen më rezultatet për çdo QV.
Ajo shifër është baza e cdo llogaritje të mëpasme.
Per fat ajo është e vetmja shifër që dihet nga çdo kandidat se cila ka qenë.
Nga ajo nuk mund të llogaritet edhe kryesisht numri i votave totale për KZAZ, ose për Qark dhe eventualisht i mandateve për çdo subjekt politik.
Por ato shifra që shërbejnë si baza e çdo përllogaritje mungojnë.
Celibashi një ditë prej ditësh vendosi, (pa pasur nevojë të mbledhej siç e ka zakon sa herë duhet të marrë ndonjë vendim), dhe urdhëroi që ato shifra të fshihen nga sytë e të interesuarve.
Kush siguron sot që sistemi i Celibashit nuk ka edge gabime të tjera veç te dhënave për zarfet nga diaspora?
