Vijojnë tensionet para Kuvendit të Shqipërisë, ku protesta është përshkallëzuar gjatë zhvillimeve të fundit.
Sipas raportimeve, protestuesit kanë hedhur vezë drejt makinës së deputetit Erion Braçe, çka ka sjellë ndërhyrjen e menjëhershme të policisë në zonë. Situata ka degraduar në përplasje mes forcave të rendit dhe disa protestuesve.
Pas tensioneve, disa persona janë shoqëruar në polici, mes tyre edhe aktivisti Dritan Goxhaj.
Ndërkohë, protestuesit kanë nisur një marshim në drejtim të Drejtorisë së Policisë së Tiranës.
