Protestues të shumtë janë mbledhur këtë mëngjes përpara ambienteve të Kuvendit, ku në orën 10:00 pritet të zhvillohet seanca plenare e radhës.
Me thirrje kundër mazhorancës dhe Parlamentit, si “Parlament i krimit” dhe “Parlament analfabet”, ata kanë nisur protestën duke kërkuar dorëheqjen e kryeministrit Edi Rama.
Gjatë tubimit janë dëgjuar edhe thirrje “Shqipëria e shqiptarëve”, ndërsa protestuesit kanë shprehur pakënaqësi jo vetëm ndaj qeverisë, por edhe ndaj opozitës, duke e cilësuar atë “opozitë të shitur”.
Protesta vjen në vijim të mobilizimit të paralajmëruar gjatë protestës së zhvilluar më 30 qershor kundër kryeministrit Rama. Ndërkohë, gjatë hyrjes së deputetëve në ambientet e Kuvendit, protestuesit kanë vijuar me thirrjet e tyre kundërshtuese.
