Situata është tensionuar gjatë protestës së zhvilluar para Kuvendit, ku janë raportuar përplasje mes protestuesve dhe forcave të Policisë së Shtetit.
Sipas pamjeve nga vendngjarja, efektivët e policisë kanë ndërhyrë për të hapur rrugën e kalimit të automjeteve të zyrtarëve, mes tyre edhe të zv/kryeministres Albana Koçiu.
Në momentin e kalimit të makinës, një pjesë e protestuesve kanë hedhur vezë në drejtim të automjetit.
Ngjarje të ngjashme janë raportuar edhe në raste të tjera, kur automjetet e anëtarëve të qeverisë largohen nga ambientet e Kuvendit, ku protestuesit kanë hedhur vezë dhe shishe uji në drejtim të tyre.
