Pas kryetares së Kuvendit Elisa Spiropali edhe ministrja e Shëndetësisë dhe Mbrojtjes Sociale, Albana Koçiu, po përdor zyrat e institucionit që drejton në shërbim të fushatës së Partisë Socialiste.
Zyra e shtypit e Ministrisë së Shëndetësisë ka shpërndarë një njoftim për mediat nga takimin e sotëm elektoral të kryeministrit Rama, ku e pranishme ishte edhe ministrja Koçiu. Njoftimi i dërguar në grupin e medias, është zbardhur fjala e ministers me arritjet e qeverisë dhe premtime për mandatin tjetër, ndërsa shoqërohet me fotot e takimit me imazhe të fushatës së PS.
“Me praninë e kryeministrit Edi Rama, ministrja e Shëndetësisë dhe Mbrojtjes Sociale, Albana Koçiu prezantoi sot në Dibër, Paketat Sociale që Qeveria ofron për çdo qytetar me në fokus fëmijët me aftësi ndryshe, gratë dhe të rinjtë. Në fjalën e saj, ministrja Koçiu solli në vëmendjen reformën e mbrojtjes sociale e cili nisi me rishikimin dhe rivlerësimin e skemës së ndihmës sociale dhe atë të aftësisë së kufizuar duke zgjeruar numrin e përfituesve.
Sipas saj, suksesi i reformës në shërbimet sociale ka qenë mekanizmi financiar i Fondit Social i cili ka mbështetur 61 bashkitë duke ofruar 84 shërbime të reja sociale në të gjithë vendin. Do të çelim 20 ndërmarrje sociale për punësimin e grave dhe vajzave” – thuhet ndër të tjera në njoftimin për mediat.
Ky takimi cili në media u transmetua si aktivitet elektoral i Edi Ramës, duhet të njoftohet vetëm nga PS dhe ministrja aritjet dhe premtimet t’i pasqyronte në facebokun e saj personal, ose nga grupi i saj i fushatës. Jo nga zyra e shtypit e Ministrisë së Shëndetësisë që paguhet nga taksat e të gjithë qytetarëve.
Megjithatë kujdes duhet të tregojë edhe Zyra e medias së Ministrisë së Shëndetësisë dhe të shpërndajë vetëm njoftime për aktivitete që lidhen me veprimtarinë e ministrisë, dhe jo për takime partiake të ministres dhe shefit të saj.
