Gjykata e Posaçme ka pranuar kërkesën e SPAK për të zgjatur me tre muaj hetimet për ish-deputetin e Partisë Socialiste, Jurgis Çyrbja. SPAK kërkoi zgjatje të hetimeve pasi shtë në priteje të letërporosive nga agjencitë ligjzbatuese. Çyrbja u arrestua në tetor të vitit të kaluar, pak ditë pasi hoqi dorë nga mandati i deputetit teksa akuzohet npër lidhjet me grupet kriminale. Çyrbja akuzohet për 3 vepra penale, atë të ‘korrupsionit në zgjedhje’, ‘të përkrahjes së autorit të krimit’ dhe të ‘tregimit të sekretit shtetëror’. Sipas prokurorëve të posaçëm, gjatë kohës që ka qenë deputet, Çyrbja ka qenë një nga përdoruesit e SKY ECC dhe ka mbajtur kontakte me njerëz të botës së krimit. Sipas SPAK, Çyrbja ka nxjerrë sekretet shtetërore tek kriminelët, akuzohet se dekonspiroi operacionet e Policisë së Durrësit, informoi Altin Hajrin për lëvizjet e policisë pas vrasjes së Jan Prengës, e deri tek bashkëpunimi me Hajrin për t’i siguruar vota në qarkun e Durrësit, ku Çyrbja ishte edhe në listën e sigurt për deputet në zgjedhjet parlamentare 2021.
