Deputeti i PS-së në Elbasan, Luan Duzha, mohoi blerjen e votave dhe tha se nëse provohet qoftë edhe një, ai do të shkojë me qejf në burg.
"Nëse është blerë një votë unë shkoj me qejf në burg, kaq, një votë”, deklaroi socialisti.
Ai u shpreh se ndaj tij nuk janë bërë kontrolle dhe as nuk iu është sekuestruar celulari.
“Është e gjitha një gënjeshtër, as nuk më kanë kontrolluar, as nuk më kanë marrë celularin, asgjë. Unë flas për veten time, nëse është blerë një votë e vetme nga njerëzit e mi apo shokët e mi për mua, unë shkoj me qejf në burg”, deklaroi deputeti socialist.
Deklarata erdhi pas raportimeve se SPAK i ka sekuestruar telefonin në kuadër të hetimeve për krime zgjedhore.
