Ish-deputeti demokrat Ervin Salianji, i dënuar me 1 vit burgim për dosjen e pagëzuar “Babale” për akuzën e kallëzimit të rremë, bën kërkesë për liri me kusht. Burimet thonë se kërkesa është depozituar në Gjykatën e Fierit dhe pritet të shqyrtohet. Salianji ka kryer pjesën më të madhe të dënimit me burgim. Ish-deputeti është cilësuar fajtor pasi dyshohet se krijoi prova të rreme me qëllim nisjen e një hetimi. Në denoncimin publik, Salianji akuzoi për përfshirje në trafik droge Geron Xhafajn, vëllain e Ministrit të Brendshëm të kohës, Fatmir Xhafaj. Geron Xhafaj ishte ndërkohë i dënuar nga Italia për çështje droge.
