Sot Gjykata Kushtetuese rrëzoi kërkesën e 14 deputetëve të Partisë Demokratike për shqyrtimin e mandatit të deputetit socialist Vullnet Sinaj. Opozita akuzonte Sinajn për përfitime të paligjshme nga buxheti i shtetit nëpërmjet kompanive të tij, në vlerën e miliona lekëve duke e konsideruar këtë si shkelje të Kushtetutës.
Megjithatë, Gjykata vendosi të mos e pranojë kërkesën, duke i dhënë fund çështjes ligjore që zgjati prej marsit 2025.
Pas këtij vendimi ka reaguar edhe Vullnet Sinaj. Në një reagim në Facebook, Sinaj përshendet vendimin e Gjykatës Kushtetuese dhe cilëson kërkesën e PD absurde. Shigjeton Gazment Bardhi, duke cilësuar humbësi serial.
"Duke treguar integritet dhe duke mos rënë pre e presionit dhe populizmit politik, Gjykata legjitimoi vendimin e Kuvendit i cili argumentoi se nuk ka asnjë konflikt interesi apo papajtueshmëri me mandatin tim të deputetit.
Nuk kam përfituar kurrë asnjë qindarkë nga buxheti i shtetit, përkundrazi, jam kujdesur që të heq dorë nga administrimi i bizneseve të mia, që para se të merrja mandatin e deputetit për herë të parë në vitin 2017".
Sinaj deklaron se "mandati im i deputetit, është mandati i popullit". Ndaj ai shkon më tej duke sfiduar Bardhin se në shtator do të jenë sërish përballë në Kuvend!
