Enkelejd Alibeaj deklaroi se nuk do të jetë më pjesë e politikës aktive, duke theksuar se nga zgjedhjet e 11 majit humbës dolën shqiptarët, ndërsa në Kuvend do të jenë “pazarxhinjtë”.
"Nuk është hera e parë, kam ikur njëherë në 2013, me kokën lartë. Edhe njëherë në 2019 me kokën ulur. E rëndësishme është si del, unë dal me kokën lartë. Këta që ngelën këtu janë pazarxhinjtë. Kështu e gatuan, bashkë e gatuan. Ia arritën qëllimit. Fitoi Rama, fitoi Berisha, humbën shqiptarët. Preja e radhës është drejtësia"-tha Alibeaj.
Ai shtoi se largohet me kokën lart, ndryshe nga herët e mëparshme, dhe se nuk ka ardhur as ikur si anonim. Sipas tij, fitoi Rama e Berisha.
Në fund nënvizoi se "Rrugët e zotit janë të pafundme. Unë nuk kam ardhir si anonim dhe nuk iki si anonim. Në politikë aktive nuk do të jetën, në atë publike nëse më pranoni, pse jo”.
