KED pezullon vakancën për anëtarin e Gjykatës Kushtetuese që zgjidhet nga radhët e Kuvendit, për shkak se nuk ka kandidatë të mjaftueshëm.
Vakanca u shpall pasi anëtarja Elsa Toska dha dorëheqjen nga detyra. Kuvendi tentoi përmes një mekanizmi të shumëdiskutuar që ta shtynte afatin e mandatit, por pas shumë debatesh u shpall gara.
Gjithçka nisi në muajin tetor, në një përpjekje të kryetares së Kuvendit, Elisa Spiropali, dhe kryetares së Gjykatës së Lartë, Holta Zaçaj, për të zgjatur mandatin e pasardhësit të Elsa Toskës. Kjo u pa si një tentativë për të zgjatur më tej edhe mandatet e dy anëtarëve të tjerë, të cilëve u përfundonte mandati disa javë më pas.
Në fakt, rezultoi se Zaçaj dhe më pas Bejtja tentuan të zgjasin kohëzgjatjen e mandatit përtej afateve të paracaktuara nga ligji për mandatet zëvendësuese.
Mesa duket, “korrigjimi” i parë vjen nga KED, e cila pritet ta rihapë garën për shkak të mungesës së kandidatëve, më pak se tre. Kësaj here, procedura pritet të zhvillohet siç duhet. Ndërsa shpallja e vakancës duhet të bëhet për mandat të pjesshëm.
