VNA ka mësuar se Këshilli i Etikës sapo ka vendosur masa disiplinore me nga 60 ditë përjashtim nga punimet e Kuvendit për dy deputetët e opozitës, Gazment Bardhi dhe Klevis Balliu, pas incidenteve dhe tensioneve të regjistruara gjatë seancës së fundit plenare.
Vendimi vjen pas kërkesës së grupit parlamentar të Partisë Socialiste, ku i ngarkohen deputetëve akuza për pengim të rregullt të seancës, fyerje dhe hedhje sendesve ndaj anëtarëve të kabinetit qeveritar — përfshirë hedhjen e vezëve në drejtim të Kryeministrit Edi Rama nga deputeti Balliu dhe goditjen me shishe uji nga deputeti Bardhi.
Nga ana tjetër, përfaqësuesit e opozitës në Këshillin e Etikës, Saimir Korreshi dhe Blendi Himçi, e kanë kundërshtuar ashpër këtë vendim duke e cilësuar si një "dënim pa ligj, si në kohën e komunizmit". Sipas tyre, masa e marrë është e pabazuar, pasi pika 7 e nenit 65/1 (e cila parashikon 60 ditë përjashtim) zbatohet vetëm për mjete piroteknike apo tymuese, ndërsa sipas Rregullores masa maksimale për shkeljet e pretenduara nuk duhej të kalonte 10 ditët.
