Me 11 maj shqiptarët mund të votojnë për kandidatët në lista të hapura, çka do të thotë se kandidatët duhet të sigurojnë mbështetje direkte nga qytetarët për të marrë një vend në parlament. Këto kandidatë po takojnë qytetarë e po mundohen të fitojnë vota… ndërsa të tjerë duket se po e shijojnë pranverën në paqe të plotë, duke qenë se vendin ua kanë siguruar kryetarët.
Në një veshtrim në rrjetet sociale shihet se kandidatët në listat e sigurta nuk kanë asnjë takim në terren në javën e fundit.
Nga opozita:
• Edi Paloka – 0 takime
• Jozefina Topalli – 0 takime
• Fatmir Mediu – 0 takime
• Erisa Xhixho – 0 takime
• Mesila Doda – 0 takime
Nga PS:
• Adea Pirdeni – 0 takime
• Iris Luarasi – 0 takime
• Ilva Gjuzi – 0 takime
Këta emra me sa duket ose nuk e kanë marrë vesh ende që fushata ka nisur, ose besojnë aq shumë te marka e partisë sa nuk ndihen të detyruar të lodhen me takime.
Apo ndoshta strategjia është e thjeshtë: të presin që qytetarët t’i votojnë për nostalgji, zakon, ose ngaqë s’kanë dëgjuar për kandidatët e tjerë?
