Kandidatja e PD në listën e hapur për qarkun e Durrësit Jola Hysaj e ka cilësuar procesin e Primareve për zgjedhjen e kandidatëve për deputetë, transparentë dhe krejt ndryshe në raport me platformën “Deputeti që duam” që hapi PS për përzgjedhjen e deputetëve të rinj.
Hysaj tha se në PS përzgjedhja u bë nga kryetari, ndërsa në PD ishte elektorati që bëri përzgjedhjen.
Kandidatja e PD mesa duket nuk i ka ndjekur mirë Primaret, pasi pavarësisht garës dhe rezultateve, në listën e sigurt u futën emra që janë besnikë të kryetarit. Madje pati shumë emra që edhe pse ishin ndër më të votuarit, nuk u përfshinë në listam siç ishte rasti i Hysen Kadiut e shumë të tjerë, madje edhe u përjashtuan siç ishte rasti i deputetit Dash Sula.
Prandaj, më mirë është që kandidatja për deputete të flasë për diçka tjetër, pasi në këtë pikë format janë të ndryshme, por s’ka asnjë dallim mes PD dhe PS në përzgjedhjen e kandidatëve për deputetë.
