Prej disa orësh kryeministri Edi Rama dhe disa ministra po mbajnë një aktivitet nga Piramida e Tiranës, në lidhje me 150 talente shqiptare në fushën e teknologjisë. Mes tyre, 86 startup-e, qeveria shqiptare do ju japë grant. E gjitha ndodh në prag të fushatës së zgjedhjeve parlamentare dhe në ndalim të plotë të Kodit Zgjedhor. Madje, Rama si për të vijuar më tej me përforcimin e teknologjisë nga Piramida, vendi ku e mbushi plot me bare kafe, premton shkollë për teknologjinë.
"Së shpejti tek Piramida do të hapet një super shkollë për teknologjinë, është një shkollë që është një nga bërthamat kryesore të revolucion i digjital që po bën Franca. Këtu janë 89 subjekte që do të marrin mbështetje nga qeveria. Tani që ka hyrë nga Inteligjenca Artificiale, shpejtësia e transformimit është marramendëse”, tha Rama.
Nëse projekti fillestar parashikonte ngritjen e qëndrës TUMO për kurse në fushën e programimit dhe kodimit për fëmijë dhe të rritur, Piramida sot është plot bar- kafe.
Ajo që nisi si një përpjekje për të nxitur zhvillimin e teknologjisë dhe mbështetjen për fëmijët dhe të rinjtë e kësaj fushe, tashmë ka përfunduar si një panair baresh dhe restorantesh ku padyshim vendet më të privilegjuara i kanë marrë blogerët, etj.
