Në ditën e 102-të të protestës, një grup protestuesish janë zhvendosur nga hapësira përpara Kryeministrisë, ku prej muajsh protestonin çdo ditë, drejt Unazës, duke bllokuar qarkullimin e automjeteve.
Me thirrjet “Fikini makinat” dhe “Rama jep dorëheqjen”, protestuesit kanë ndërprerë lëvizjen në rrugë, duke shkaktuar radhë të gjata trafiku.
Si pasojë e bllokimit, qindra automjete kanë mbetur të ndaluara, ndërsa drejtuesit e mjeteve janë detyruar të presin për rinisjen e qarkullimit.
Gjatë protestës janë dëgjuar vazhdimisht thirrje kundër qeverisë dhe kryeministrit Edi Rama, ndërsa protestuesit kanë kërkuar dorëheqjen e kreut të qeverisë.
