Shoqërohet në polici kreu i “Shqipëria Bëhet”, Adriatik Lapaj. Në pamjet e bëra publike gjatë shoqërimit nga efektivët, Lapaj dëgjohet tu thotë uniformave blu se nuk mund të ndërhyjnë në atë mënyrë, për shkak se nuk po bën rezistencë. “Cfarë po bëni, nuk po bëj rezistencë”, thotë Lapaj. Siç dallohet nga pamjet ai rrethohet nga disa policisë teksa ishte duke protestuar. Gjithashtu, nga policia është shoqëruar dhe gazetari Shpend Gashi si dhe protestues të tjerë, të cilët qëlluan me vezë mbi efektivët e policisë apo makinat e deputetëve. Në ditën e 101 të protestës kombëtare, marshimi këtë herë drejt godinës së qeverisë nisi nga Kuvendi, ku qytetarët protestuan ndaj parlamentarëve, të cilët çelën sesionin e ri parlamentar.
Gjatë protestës së sotme, u angazhuan mbi 1000 forca policie që u vendosën në ambjentet jashtë Kuvendit, Ministrisë së Brendshme dhe Kryeministrisë. Protesta ështës duke vijuar dhe dinamikat ndryshojnë nga momenti në moment.
