Procesi i numërimit të votave të diasporës ka nisur paralelisht me atë të qarqeve dhe tashmë janë numëruar 1660 zarfe nga gjithsej 194,889. Sipas të dhënave më të fundit të Komisionit Qendror të Zgjedhjeve, gara mes dy partive kryesore është mjaft e ngushtë.
Partia Demokratike kryeson me 726 vota, që përbëjnë 43.95% të votave të numëruara. Menjëherë pas saj vjen Partia Socialiste me 705 vota, ose 42.68%.
Ndërkohë, nga partitë e reja, më shumë mbështetje ka marrë Koalicioni “Nisma Shqipëria Bëhet” i drejtuar nga Adriatik Lapaj, me 117 vota. Partia e Agron Shehajt, “Mundësia”, numëron deri tani 35 vota, pasuar nga PSD e Tom Doshit me 34 vota.
Lëvizja Bashkë e Arlind Qorrit ka marrë 21 vota, ndërsa Partia Aleanca Kombëtare Shqiptare e Elena Kocaqit nuk ka arritur të kapë shifra të konsiderueshme. Një rezultat i dobët është shënuar edhe nga Koalicioni Euroatlantik i Lulzim Bashës, që ka marrë deri tani vetëm 4 vota.
