Sekretari për çështjet ligjore të PD, Ivi Kaso, gjatë debatit në “Log.” në News24, zbuloi mesazhin e Sali Berishës për kandidatët e PD që do të kenë mbështetjen partisë për të gjitha kërkesat dhe ankimimet në KQZ.
Ai i garanton se ata do të kenë mbështetjen partisë për të gjitha kërkesat dhe ankimimet në KQZ.
"Të nderuar drejtues politikë të qarqeve dhe kryetarë të degëve të PDSH
Çdo kandidat/e për deputet të koalicionit PD-ASHM, që për efekte ligjore i nevojitet mbështetja e partisë për çdo kërkesë që paraqet, kamera, verifikime, rinumërime, etj, do të mbështetet pa asnjë hezitim nga partia! Ju rikujtoj se transparenca e plotë është standard i PD-së dhe koalicionit tonë! Përshëndetje, Sali Berisha" - thuhet në mesazhin e Berishës.
Megjithatë, nuk dihet se kur është dërguar ky mesazh, para apo pasi anëtarët e PD në KAS të bashkonin votat me ata të PS për të rrëzuar kërkesat e kandidatëve demokratë për të rinumëruar votat.
