Deputeti Dashnor Sula ka ‘thumbuar’ sërish kreun e PD, Sali Berisha, teksa ky i fundit ndodhet në një takim në Elbasan, ku po prezanton kandidatët e PD-së për këtë qark.
Në një reagim në facebook, Sula ka ironizuar duke bërë pyetje sipas tij, Kryestrategët e Kryemagjistarët që bënë listat e kandidatëve të PD, kush do t’i përfaqësojë votuesit demokrat të besimit të krishter në Elbasan pas 11 majit?
Sula më tej shkruan se demokratët e besimit të krishterë kanë mbetur pa përfaqësuar në Elbasan dhe kjo sipas tij, “pas zhdukjes nga lista e kandidatëve, e deputetit që mbështet shtetin ligjor dhe drejtësinë e barabartë për të gjithë”.
Ai vijon më tej sulmin ndaj Berishës duke thënë se “kryemagjistarët e listave të PD e kthyen STATUTIN e Partisë Demokratike në Letër Bakalli dhe votat e demokratëve i shndërruan në hi që zhduket pa lënë gjurmë”.
Postimi i Sulës:
????Kush i përfaqëson Demokratët e besimit të krishter në listën e PD në Elbasan?!
Zhdukja nga lista e kandidatëve, e deputetit që mbështet shtetin ligjor dhe drejtësinë e barabartë për të gjithë.
Injorimi i antarësisë së Partisë Demomratike të Elbasanit duke i djegur e bërë hi votatat e tyre në Primare.
Mospërfaqësimi i 6 bashkive nga 7 që ka qarku Elbasanit me kandidatë në listën e kandidatëve për deputetë.
Diskriminimi dhe përçmimi që u është bërë Demokratëve dhe votuesve të zonave rurale në Qarkun e Elbasanit duke mos i përfaqësuar me emra në listë të mbyllur, nuk janë të vetme të probleme në listë e kandidatëve të PD për deputetë.
????Pyetje për Kryestrategët e Kryemagjistarët që bërën listat e kandidatëve të PD, kush do ti përfaqësojë votuesit demokrat të besimit të krishter në Elbasan pas 11 majit?
Deri në fund të këtij mandati i ka përfaqësuar denjësisht, me shumë përkushtim dhe integritet Doktoresha Zheni Gjergji, por pas Shtatorit të këtij viti KUSH?
Përgjigja është: Askush!
Kryemagjistarët e listave të PD e kthyen STATUTIN e Partisë demokratike në Letër Bakalli, votat e demokratëve i shnderruan në hi që zhduket pa lënë gjurmë, demokratët e fshatrave i braktisën po ashtu edhe demomratët e komunitetit të Krishterë.
Lista është për primarin jo demokratët
