Kryetari i Partisë Demokratike, Sali Berisha gjatë fjalës së tij në konferencën e Sindikatave të Bashkuar deklaroi se Shtetet e Bashkuara të Amerikës vendosën tarifa për shkak të reciprocitetit. Sipas kreu të selisë blu, shqiptarët dhe kushdo duhet të dijë të vërtetën "të gjithë ata që ankohen sot, më parë kanë pasur tarifa kundër SHBA-së".
Berisha: "SHBA ka vendosur një sistem tarifash sepse të gjitha vendet e tjera kanë pasur tarifa ndaj saj. Kjo është e vërteta. Duhet ta dini të vërtetën: të gjithë ata që ankohen sot, më parë kanë pasur tarifa kundër SHBA-së. Shqipëria nuk do të vendosë asnjë tarifë për mallrat amerikane, dhe jam i bindur se edhe SHBA do të veprojë njësoj, sapo t’i heqim ne tarifat tona." Në përfundim të takimit Berisha dhe Gëzim Kalaja nënshkruan edhe një marrëveshje për realizimin e zotimeve të PD kundrejt pensionistëve, minatorëve, etj.
