Ditën e inaugurimit të At Joan Pelushit në krye të Kishës Ortodokse Shqiptare Autoqefale, kryeministri Edi Rama nuk ishte i pranishëm.
Mëngjesin e kësaj të shtune ka zgjedhur t'a nisë me një podcast, i ftuar është Kryepeshkopi i ri i Kishës Ortodokse Shqiptare Autoqefale, At Joan Pelushi.
Një bisedë shpirtërore, ku Rama flet për ekzistencën e Zotit, luftën mes të mirës dhe të keqes, mbi të gjitha për ferrin dhe parajsën.
At Joani tregoi edhe momentin kur vendosi të bëhej prift: Unë vij nga një familje shumë e madhe dhe jo e krishterë, në atë kohë nuk praktikohej asnjë lloj besimi. Nuk ishte konvertim. Kur lexova për herë të parë Ungjillin, në vitin e 4 të gjimnazit ndodhi diçka thellë brenda meje. Mu kthye sërish gëzimi i fëmijërisë. Në atë çast jeta ime ndryshoi. Pata fatin të njihesha edhe me njerëz që kishin akses në libra të tilla. Bindja për t’u bërë prift lindi atëherë.
