Kur mbeten më pak se tre orë nga mbyllja e votimit për zgjedhjet e përgjithshme parlamentare, shifrat zyrtare të KQZ flasin për një numër të ulët votuesish krahasuar me zgjedhjet parlamentare të vitit 2021.
Partitë e mëdha duken të pashqetësuara nga këto shifra. Deri tani, PS ka reaguar vetëm me një deklaratë për shtyp nga selia, duke u bërë thirrje qytetarëve të votojnë. Nga PD, Sali Berisha ka shprehur mirënjohje për emigrantët që kanë ardhur për të votuar, pasi nuk kanë mundur të votojnë nga vendet ku jetojnë.
Kjo duket shumë pak, duke marrë parasysh se janë orët finale dhe çdo drejtues partie duhet të jetë i shqetësuar dhe të motivojë votuesit të shprehin vullnetin e tyre.
Përveç disa incidenteve që nuk kanë sjellë reagim nga KQZ, i vetmi rast i evidentuar nga kryekomisioneri është përplasja në Vorë, ku deputetët Flamur Noka dhe Albana Vokshi u konfliktuan me disa persona që pretendohet të jenë pjesë e bandave.
