Nënkryetari i Partisë Demokratike, Oerd Bylykbashi, ka sulmuar SPAK-un gjatë takimit ku u prezantuan kadidatët për deputetë të qarkut Durrës.
Duke folur për Eko Parkun e këtij qyteti, Bylykbashi tha se PD ka bërë denoncime për këtë aferë, por që Prokuroria e Posaçme nuk ka bërë asnjë lëvizje.
“SPAK këtë aferë skandaloze që kushtoi 19 milionë euro, por që ka bërë vetëm 6 milionë për ta ndërtuar dhe 13 i kanë futur në xhepat e tyre. Ne kemi denoncuar, por SPAK-u nuk ka lëvizur ende. Sot ka dalë prova tjetër se si Edi Rama është i përfshirë drejtpërdrejtë në këtë aferë korruptiove” - tha Bylykbashi.
Ndonëse dosja ndodhet në SPAK për t’u hetuar, thirrjet e Bylykbashit për të nxituar, më shumë duken si arsye për të goditur Prokurorinë se Posaçme. Madje është në sunkron me deklaratat e kryetarit të tij, i cili ditën e sotme iu rikthye sulmeve ndaj drejtuesit të SPAK, Altin Dumanit.
