Erion Veliaj nga qelia e Durrësit vijon të shkruajë statuse në Facebook. Kësaj rradhe shkruan për Piramidën e Tiranës, ku mburret se nga gërmadhë u ktheu në qendër teknologjike. "Gati dy vjet më parë çelëm dyert e Piramidës së Tiranës, dikur një relike e vjetër e së shkuarës, e cila nuk shërbente për asgjë përveçse qëndronte si një gërmadhë në mes të qytetit, sot e transformuar në qendrën më të madhe të teknologjisë në Ballkan, por edhe në pikën më të vizituar nga turistët që vijnë në Shqipëri"-shkruan Veliaj. Në vijim ai shkruan se kjo qendër iu kthye, sipas tij, kurse falas që fëmijët të mësojnë si të kodojnë, robotikë, VR, bëjnë art e multimedia, por edhe argëtohen me teknologjitë më të fundit digjitale. Por teksa Veliaj mburret me të, Piramida është e mbushur anekënd me lokale, bare dhe kafe. Deri tani Bashkia Tiranë nuk ka publikuar asnjë statistikë apo të dhënë mbi numrin e fëmijëve në kurset apo trajnimet e kësaj qendre.
