Në ditën e hapjes së fushatës së PS-së, ku ai ishte caktuar prej muajsh si një nga drejtuesit, Erion Veliaj ka postuar nga burgu kujtimet për mbjelljen e pemës me numrin 1 milionë.
Në postimin e kryetarit të Bashkisë së Tiranës nuk ka asnjë fjalë për hapjen zyrtare të fushatës së PS-së.
Në një status të gjatë, ai u kujtoi sërish banorëve të Tiranës se janë mbjellë kaq shumë pemë dhe i ftoi të shijojnë gjelbërimin e qytetit.
"Një nismë për të cilën u jam posaçërisht mirënjohës jo vetëm kolegëve të bashkisë, që kujdesen përditë për vazhdimin e fushatës për shtimin e pemëve në qytet, por çdo familjeje, prindi, fëmijëve të vegjël, e çdo donatori që na mbështeti për t’ia arritur qëllimit tonë"-shkruan ndër të tjera Erion Veliaj në Facebook, teksa hesht për nisjen e fushatës së Partisë Socialiste.
