Slogani i PS me 12 yje është ironizuar nga ish-deputeti i PD-së, Belind Këlliçi, dhe kreu i Partisë Demokratike, Sali Berisha.
Fillimisht, Këlliçi publikoi një foto me 12 yje, duke i zëvendësuar me fotot e ish-deputetëve dhe ministrave të PS-së nën hetim apo të arrestuar nga SPAK, si Arben Ahmetaj, Ilir Beqja, Safet Gjici, Saimir Tahiri dhe Erion Veliaj. Përshkrimi i fotos ishte: “Yjet e krimit janë tashmë yjet e pashuar.” Në qendër të 12 yjeve ishte Edi Rama.
Por kjo foto, që personifikon në mënyrë ironike sloganin e PS-së, u rimor nga Berisha, i cili hoqi Arben Ahmetajn dhe e zëvendësoi me foton e Safet Bajrit. Në qendër, Berisha nuk vendosi Ramën, por një mi.
Pas ndryshimeve të Berishës, edhe Belind Këlliçi editoi foton, duke publikuar versionin e Berishës.
Mire fantazia e Berishës dhe servilizmi i Këlliçit lënë për të dëshiruar. Por më e rëndësishme mbetet pyetja: pse e amniston vazhdimisht Sali Berisha ish-zëvendëskryeministrin Arben Ahmetaj?
