Në një konferencë për mediat, kreu i PD-së, Sali Berisha ka reaguar pas rezultatit paraprak të zgjedhjeve parlamentare të 11 Majit. Teksa u bëri thirrje strukturave të PD-së, të numërojnë çdo votë në kutitë e votimit, tha se pasi të përfundojë numërimi i votës së fundit, PD do të bëjë vlerësimin e saj.
"Ju bëj thirrje të gjitha strukturave të PD-së, që të bëjnë gjithçka që të numërohet çdo votë pa asnjë, me përkushtimin më të madh sepse çdo votë kundër regjimit meriton nderimin më të madh dhe vlerësimin më të madh. Sot, këtë kisha qëllim kryesor të paraqitjes para jush në mënyrë një thirrje për demokratët, opozitarët që të tregojnë përkushtimin më të madh në numërimin, vlerësimin e çdo vote dhe të mos kenë asnjë ndikim nga asgjë. Kjo është detyra më e rëndësishme për demokratët. PD u ka thënë shqiptarëve dhe botës e çfarë është procesi elektoral në Shqipëri. Të përfundojë numërimi i votës së fundit atëherë PD do të bëjë vlerësimin e saj"-deklaroi kreu i PD.
I pyetur nga gazetarët nëse do të largohet, në rast humbjeje, Berisha la të kuptohet që nuk do e marrë në konsideratë statutin e PD i cili parashikon largimin e kryetarit nëse humb zgjedhjet parlamentare.
