Një ditë pasi firmosi marrëveshjen me aleatët për zgjedhjet e 11 majit, kreu i Partisë Demokratike, Sali Berisha, ka justifikuar pjesëmarrjen e partive pa asnjë peshë elektorale në koalicionin e drejtuar prej tij, duke thënë se ato mund të jenë të vogla, por përfaqësojnë një të tretën e elektoratit në vend.
Në radhën e partive që Berisha ka zgjedhur për koalicion janë edhe partia e Kujtim Gjuzit dhe ajo e Sazan Gurit. Koalicioni me emrin Ta Bëjmë Shqipërinë të Madhërishme është, sipas kryetarit demokrat, më i madhi ndonjëherë në historinë e PD.
Sikundër, përcaktimet statutore për kuotat e vajzave dhe grave në listat e mbyllura dhe të hapura, si dhe për kuotat e të rinjve në të dy palët e listave, janë eprore ndaj gjithçkaje tjetër për listat e PD-së. “Askush të mos mendojë se ne nuk i qëndrojmë ligjeve të Kushtetutës sonë, statutit tonë,” – tha Berisha në një mesazh drejtuar qytetarëve nga selia e PD.
