Lëvizja për Zhvillim Kombëtar e Dashamir Shehit dhe “Djathtas 1912” e drejtuar nga Enkelejd Alibeaj, janë regjistruar në KQZ si koalicioni i parë për zgjedhjet e 11 majit.
Në dokumentin e dorëzuar në KQZ, koalicioni është emërtuar “Djathtas për Zhvillim”, duke shkrirë dy siglat e partive në fjalë për zgjedhjet e ardhshme. Ky koalicion do përbëhet nga këto dy parti dhe sigla e përfaqësimit të saj do të jetë “DZH”.
Ajo që vihet re është se nuk kanë arritur të bien dakord me Koalicionin Euroatlantikë që drejtohet de fakto nga Lulzim Basha. Palët disa javë më parë kanë pasur takime dhe e kanë shprehur publikisht se ishin në bisedime me ish-kreun e PD, por që nuk po binin dakord për partinë që do të drejtonte koalicionin. Mesa duke dakordësinë nuk e kanë arritur as sot që është edhe afati i fundit i regjistrimit të koalicioneve.
