Sali Berisha ka shpërndarë një detaj nga firma e tij në procesverbalin e prezencës, duke e konsideruar atë si një tjetër dëshmi të kontrollit politik mbi drejtësinë.
Ai tha: “Edhe një gjë, është shumë interesante të lexoni aty ku firmos unë dëshminë që unë erdha, aty thotë procesverbali nuk mund të bëhet asnjë vërejtje.”
Berisha sqaroi se kishte lënë një mesazh të drejtpërdrejtë për qeverinë në një fletë të veçantë: “Prokuroria politike e Edi Ramës, e kukullës së Xhorxh Sorosit, me një krye mercenar Dumanin, është vegël e regjimit të tij dhe patericë e pushtetit të krimit, i cili merr fund me turp më 11 maj të vitit 2025. Ky është mesazhi për Edi Ramën që lashë në tavolinë.”
