Gjatë hapjes së takimit të sotëm në Milano, Itali, Floriana Garo, zëdhënësja e Partisë Demokratike, u shpreh se diaspora po pret me padurim ardhjen e PD në pushtet duke cilësuar se plani i PD është të ofrojë për qytetarët e saj rroga dhe pensione të dyfishuara.
Garo i bëri thirrje qytetarëve se 5 vitet e para që ata do të vijnë të jetojnë dhe punojnë në vendin e tyre do të punojnë pa taksa.
''Ka ardhur koha të investojmë tek qytetarët, tek familjet shqiptare, tek rinia dhe e ardhmja. Ka ardhur koha që edhe diaspora ta shohë Shqipërinë jo vetëm si vendin e zemrës, por si vendin e ëndrrave. Një vend pa taksa për 5 vjet për çdo emigrant që kthehet dhe e rindërton jetën këtu.'- u shpreh ajo
