Barometri: Nëse zgjedhjet mbahen sot, për kë do votonin qytetarët e Tiranës?
Barometri Euroneës – Albania ka zhvilluar matjen e parë zgjedhore për Qarkun e Tiranës.
Pyetja më e rëndësishme politike në matjet e Barometrit për zgjedhjet e 11 Majit është: Për cilën parti do të votonit nëse zgjedhjet do të mbaheshin sot? Përgjigjet në matjen e parë për Qarkun e Tiranës tregojnë se: 35.2% e qytetarëve nëse zgjedhjet do të mbaheshin sot do të votonin Partinë Socialiste; 24.6% e tyre do të votonin Partinë Demokratike.
Dhe me radhë si më poshtë, 5.7% e qytetarëve do të votonin “Shqipëria Bëhet”, 4.4% “Partia Mundësia” 2.8% “Lëvizja Bashkë”, 1.5% Nisma Thurje, 1% Partia e Lirisë, 0.9% parti të tjera.
VNA bëri një llogaritje në bazë të rezultateve që ka nxherr Barometri, dhe e përkther në mandate, nëse zgjedhjet do mbaheshin sot PS merr 17,1 deputetë, PD + LSI 12,4 deputetë, Nisma+ Lapaj 3,5 deputetë.
Ndërkohë 23.9% e qytetarëve janë të pavendosur për t’i dhënë përgjigje kësaj pyetje. Një pjesë e tyre tregojnë se nuk do të votojnë, një pjesë përgjigjen nuk e di ose refuzojnë të përgjigjen kësaj pyetje.
