SPAK ka marrë nën hetim grupin e policëve të Burgjeve që transferuan kryetarin e bashkisë së Tiranës, Erion Veliaj, nga Durrësi në ambientet e Gjykatës së Posaçme të Apelit ku do të caktohej masa se sigurisë. Dyshohet se gjatë rrugës Veliaj ka përdorur telefonin e njërit prej policëve që e shoqëronin për të folur me një person.
SPAK është vënë në dijeni për rastin në fjalë, pasi ka pasur në përgjim telefonin e personit që Veliaj telefonoi. Burime thonë se personi që ka telefonuar kryebashkiaku, është një i afërm i tij.
Pas kësaj, SPAK ka marrë në pyetje edhe oficerin e Burgjeve. Ky i fundit ka pranuar se ia kishtë dhënë telefonin Veliajt dhe këtë veprim e kishte bërë nga frika se mos humbiste vendin e punës për shkak të pushtetit të kryebashkiakut.
