Kryetari i Partisë Demokratike, Sali Berisha, prezantoi në Shkodër kandidatët për deputetë në zgjedhjet ne 11 majit. Në fjalën e tij, kryedemokrati deklaroi se kandidatët e tij nuk vijnë nga bodrumet e Dobraçit, por janë kandidatët e fitores.
Kreu i PD tha se humbja e bashkisë Shkodrës është për shkak të vjedhjes së votave të Benet Becit me autokolonat e blinduara të Bajrëve dhe Bajroviçëve.
“Qytetarë dhe qytetare, a nuk ishin autokolonat e blinduara të Bajrëve dhe Bajroviçëve ditën e zgjedhjeve që ushtruan terror mbi qytetin për të vendosur Benet Brajoviçin në bashkinë e Shkodrës. Por do i them këtu dy fjalë këtij Benet Brajoviçit: Benet, e more me autoblindat e Brajoviçëve mandatin e Bardh Spahiut, por ja ku është sot, ballëlartë, krenar” – tha ai.
Berisha tha se zgjodhi Shkodrën për të nisur betejën për shembjen e diktaturës së dytë dhe ndërtimin kësaj here të Shkodrës madhështore.
Kryedemokrati pati një mesazh edhe për kreun e PSD, Tom Doshi, që të mos shtrojë iftare me paratë e ilaçeve të skaduara që shet bashkë me Vilma Nushin. Sipas tij, Tom Doshi fiton 3500 tendera në vit.
“Tom, ja ku po ta them para këtyre grave dhe burrave, në qoftë se ka në Shqipëri që ka punë me zotin je ti dhe Vilma Nushi. Ju jeni të dy në origjinën e të gjitha dhimbjeve, e të gjithë sëmundjeve që nuk mjekohen nga ilaçet e skaduara që shisni në treg. Dhe aq më keq të the, mos shtro iftar me paratë e vjedhura. 3500 tendera fiton në vit ai. Bashkë me Vilma Nushin i fshin ilaçet, nuk ka më ilaçe në Shqipëri, vetëm ilaçet e tyre” – u shrpeh Berisha.
Më tej Berisha u bëri thirrje edhe kandidatëve të Bashës të heqin dorë nga gara dhe të kthehen në PD.
“Kam dhe dy fjalë për ata ish-proamerikanët e mi, Ramiz, Fatmir e të tjerë, hiqni dorë tani. E morët vesh se ku shkoi Donaldi, se ku po shkon dhe Kimi, mos vazhdoni gënjeshtrën e Lul Bashës, se nuk ka gjë më turp t’u gënjej Basha nga mëngjesi deri në darkë” – tha Berisha.
