Deputeti i Partisë Demokratike Dashnor Sula, në një intervistë në Report TV, ka zbuluar prapaskenat e heqjes së emrit të tij nga lista e kandidatëve të koalicionit “Nisma Shqipëria Bëhet”, ku u strehua përkohësisht por dhe negociatat me PD-në dhe kushtin që i vendosi Berishës për të qenë në lista.
Sula tha se PD mund të marrë 4 mandate dhe nëse do ishte ai në lista do i garantonte mandatin e 6 demokratëve në Elbasan. Por PD nuk i ofroi atij as për të qenë në lista të mbyllura dhe as në listen e hapur.
Ai me tej thotë se partia e Lapajt është kurth i Berishës për të marrë votat e djathta, ndërsa këtë e mbështet tek fakti se kreu i PD nuk thotë asnjë fjalë për Lapajn.
"Rama e sulmon Lapajn. A ka ndonjë moment që Berisha flet për Lapajn? Zero. Në momentin që më ftuan, më regjistruan e më bënë fresk dhe ka humbur shansin e vet të jetës politike që mandatin e parë do ta kishte në Elbasan, e do të kishte dhe votat e demokratëve, 80 % e 20 % të tij” – u shpreh Sula.
