Deri më tani 12 kandidatë për deputetë i janë drejtuar me kërkesë KQZ, pesë prej tyre të Partisë Socialiste, pesë nga Partia Demokratike, një nga Koalicioni Euroatlantik dhe një të Djathtas 1912.
Deputetët e PS janë: Blerina Gjylameti e cila humbi mandatin për 120 vota, pas një gare të fortë që pati me kolegenen tjetër Olta Xhaçka. Gjithashtu edhe Xhemal Qefalia i cili humbi garën me kandidatin tjetër Orlando Rakipi, mesa duket kërkon që votat t’i rinumërojë vet. Kandidatët e tjerë të PS që do të bëjnë të njëjtën gjë janë Etilda Gjonaj, si dhe dy kandidatët e Shkodrës Frrok Gjini dhe Adnan Shullani.
Edhe nga Partia Demokratike janë pesë kandidatë që kanë kërkuar që të rishohin votat e tyre. Në listë është edhe doktori Ilir Alimehmeti, i cili edhe pse mori sasi të madhe votash prej 18’039, nuk arriti të siguronte mandatin. PD arriti që të fus vetëm një deputet nga lista e hapur në Tiranë, mandat që u fitua nga kandidatja Jorida Tabaku me 2000 vota më shumë se Alimehmeti. Në Durrës kandidati Aulon Kalaja denoncoi se votat e tij janë tjetërsuar në qendrat e numërimit nga kolegët e tij në listën e PD në këtë qarkë. Ai madje paralajmëroi se nëse do të konstatojë paregullësi pasi të rishoh pamjet filmike që do të marrë nga KQZ, do të bëjë dhe një kallëzim. Kandidatët e tjerë të PD që kërkuan pamjet filmike të qendrave të numërimit janë edhe Ilirjana Kuçana kandidatëe në Durrës, Shkëlqim Shehu kandidat në Kukës si dhe Altin Goxhaj kandidat në Tiranë.
Kërkesë në KQZ për të marrë pamjet e kamerave gjatë numërimit i kanë kërkuar edhe kandidatë nga partitë politike që nuk arritën të nxirrnin mandat deputeti. Kandidati Rajmond Dervishi nga Koalicionin Euroatlantik dhe Enkelejd Alibeaj i “Djathtas 1912”
