Gazeta greke ‘Protothema’ shkruan se dhjetra persona kanë bërtitur parulla dhe kanë demonstruar kundër Edi Ramës në Athinë. Incidente të vogla kanë ndodhur jashtë stadiumit të Galatsit, pak para se të fillonte fjalimi i kryeministrit shqiptar Edi Rama .
Rreth 30 persona, mbështetës të opozitës shqiptare, hodhën parulla dhe demonstruan kundër kryeministrit.
Më herët në zonën e Klistos mësohet se është regjistruar një incident i vogël mes të pranishmëve, pasi kanë qenë 3-4 persona që kanë pohuar se Rama po e provokon Mitsotakis, ndërsa disa të tjerë kanë reaguar: “Mos ndizni zjarr mes dy popujve”.
Në të njëjtën kohë, jashtë Klistos së Galatsit, rreth 30 mbështetës të opozitës filluan të bërtisnin parulla dhe të protestonin kundër Ramës.
Ndërkohë, vizita mund të cilësohet private, duke qenë se ai nuk do të ketë asnjë kontakt zyrtar, por zoti Rama do të rrethohet nga një eskortë e rëndë policie dhe një automjet të blinduar.
Siç u bë e ditur, të paktën 2000 persona kanë udhëtuar nga Shqipëria drejt Greqisë për të ndjekur fjalimin e kryeministrit shqiptar.
https://youtube.com/watch?v=j6TCJlKHplE&si=nms6CugXDqMVrrNl https://youtu.be/GI7GUtbO1fQ?si=A0RQ_QXH-YuGk0CQ
