Struktura e Posaçme Kundër Korrupsionit dhe Krimit të Organizuar ka përfunduar hetimet ndaj ish-kreut të shtetit, Ilir Meta, i cili ndodhet në burg që prej 21 tetorit të vitit të kaluar.
Pas përmbylljes së hetimeve nga Prokuroria e Posaçme, tashmë ka nisur faza e paraqitjes së të pandehurve, të cilët janë thirrur nga organi procedues për t’u njohur me përfundimin e hetimeve.
Këtë të hënë në SPAK u paraqit Fatime Kryemadhi, nëna e Monika Kryemadhit, ndërsa Monika pritet të paraqitet të mërkurën në orën 13:00. Gjithashtu, sot do t’i komunikohet mbyllja e hetimeve edhe Pirro Xhixhos, i cili gjithashtu u paraqit në SPAK.
Sa i përket ish-presidentit Ilir Meta, ende nuk dihet data kur do t’i komunikohet zyrtarisht mbyllja e hetimeve. Avokati i tij, Kujtim Cakrani, deklaron se deri tani nuk ka marrë asnjë njoftim nga SPAK.
