Gjykata e Fierit caktoi masën e sigurisë “arrest me burg” për Emanilda Ramën, nënën e saj Valbona Ramën dhe Çlirim Doganin, për akuzën e vrasjes së Anesti Ramës.
Emanilda Rama u arrestua e para për vrasjen makabre të babait të saj, ngjarje të cilën me ndihmën e nënës tentoi ta fshihte duke pretenduar se vdekja ishte aksidentale. Pas arrestimit, nënë e bijë kanë ndryshuar disa herë version lidhur me rrethanat e ngjarjes, çka ka rënduar pozitën e tyre. Policia identifikoi dhe Çlirim Doganin si autor të krimit, për shkak se ishte në një lidhje intime me Emanildën. Anesti Rama u vra me shtrëngim me tel dhe iu dëmtuan organet gjenitale.
