Merr tjetër rrjedhë ngjarja në Pogradec. Kozeta Teço dyshohet të jetë vrarë dhe më pas i është vënë flaka shtëpisë së saj në lagjen nr. 1 për të zhdukur gjurmët e vrasjes. Në mëngjes policia njoftoi se gruaja ishte gjetur e pajetë brenda në shtëpi dhe dyshohet se vdekja kishte ardhur si pasojë e asfiksisë. Por më pas zjarrfikësit zbuluan dy vatra të zjarrit, çka ngriti dyshime për një ngjarje kriminale. Nga këqyrja e trupit të pajetë të 52 vjeçares janë konstatuar shenja të shumta në trup dhe fyt. Ajo jetonte e vetme dhe për të kujdesej motra. Dyshimet e para bien për një vrasje për motive pronësie.
